Fritid

Det var far hennar som lærte henne det når familien feira påske på Golå i Gudbrandsdalen. Da ho studerte i Sveits, vart ho medlem av den lokale sportsklubben og reiste rundt i landet og konkurrerte i slalåm. Seinare har Dronninga også utdanna seg til skiinstruktør.

Fjellturar

Å gå i fjellet og oppleve naturen på den måten er ei fin avveksling frå kvardagen. Dronninga går i fjellet sjølv om det er rufsete vêr, og har vore på toppen av mange fjell. Ho synest det er ein flott måte å bruke naturen på, og samtidig blir ho kjend med det langstrekte landet vårt.

Dronningen på fottur. Foto: Privat

Kunst

Dronning Sonja er også svært interessert i kultur, særleg biletkunst, men òg musikk og teater. Ho liker godt å gå på utstillingar og galleri. Dronninga begynte å samle kunst i ung alder, og i dag har Dronninga ei stor samling av måleri og andre kunstverk. Høgdepunkt frå samlinga vart stilte ut på Henie-Onstad Kunstsenter i Bærum i 2001. Dronninga har også stilt ut eigen kunst, og det er oppretta eit kunststipend i Dronninga sitt navn til hjelp for unge kunstnarar.

Dronninga har stilt ut eigen kunst, og oppretta eit stipend til hjelp for unge kunstnarar. Foto: Gorm Kallestad / NTB Scanpix.

Ein av hobbyane hennar er å fotografere og måle sjølv. Ho fotograferer ofte, anten ho er på fjelltur eller saman med familien. I 2005 vart det arrangert ei utstilling i New York, USA, med dei finaste naturbileta Dronning Sonja har teke på fjellturane sine.

Barnebarn

Etter at Dronninga vart bestemor, set ho av tid til å vere saman med barnebarna sine. Ho tek gjerne barnebarna med på kino eller på teater, og før jul inviterer ho dei til juleverkstad på Slottet.